शिव सेना नेपालद्वारा पुर्ब प्रधानमन्त्री भट्टराईलाई कडा चेतावनी

मुग्लानी खबर- २४ भदौ

काठमाडौं, २४ भदौ । पूर्वप्रधानमन्त्री तथा समाजवादी पार्टीका संघीय परिषद् अध्यक्ष डा. बाबुराम भट्टराईलाई इसाईबाट संक्रमित भएकोले नेपाली पबित्र भुमिमा बस्ने अधिकार समेत नभएको शिव सेना नेपालका अध्यक्ष अनिल बस्नेतले बताएका छन।


गोर्खामा विद्यालय पढ्दै इसाई मिसिनरीबाट संक्रमित एक बिरामी मस्तिष्कका कारण हामीले हाम्रा १७ हजार नेपाली दाजुभाई दिदीबहिनीलाई गुमाउन पुग्यौं । इतिहासले माफी दिन नसक्ने ती पात्र अरु कोही नभएर नेपालका पूर्वप्रधानमन्त्री विध्वंसका नायक बाबुराम भट्टराई नै हुन् ।

सनातनदेखि जातीय, धार्मिक, सांस्कृतिक सहिष्णुता कायम गर्दै मिलेर बसेको नेपाली समाजमा विग्रहको आगो सल्काउने विधर्मीहरुका कारण आज हाम्रो मुलुक यो जर्जर अवस्थामा पुगेको छ । हामी नेपालीहरुलाई जातका आधारमा, धर्मका आधारमा, संस्कृति र भाषाका आधारमा विभाजन गराउने, एक आपसमा मर्न र मार्न उक्साउने तत्वलाई अब नेपाली जनताले पनि चिन्न थालेका छन् ।

नेपाल राष्ट्रले सम्मान दिएको व्यक्तिका विषयमा यस्ता उपमा दिइरहन हामीलाई किमार्थ रहर थिएन । तर उनले फेरि पनि आफू यो देशमा नेपाली जनतालाई दुःख दिनकै लागि जन्मिएको प्रमाणित गरेका छन् । हालै उनले समता फाउन्डेसनको आयोजनामा भएको एक कार्यक्रममा ‘जुन धर्मले तपाईंलाई पैतालाबाट जन्मिएको भनेर जन्मेदेखि नै अपमान र विभेद गर्छ, त्यही धर्म किन स्वीकार गर्नुहुन्छ ?’ भन्दै नेपाली दाजुभाईहरुमा हिन्दुधर्मप्रति घृणा उत्पन्न गराउने चेष्टा गरेका छन् ।

उनको अभिव्यक्ति हामीले धेरै अघिदेखि नियालिरहेका छौं । उनी राष्ट्रिय पूँजीपतिहरुलाई शोषक हुन् भनेर घृणा फैल्याउछन् । थारुहरुलाई अर्को जातिले हेपेको छ, आन्दोलन गर्नूस भनेर उचाल्छन् । मधेसीलाई पहाडीविरुद्ध उचाल्छन् । अहिले दलितहरुलाई एउटा धर्मविशेषविरुद्ध घृणा उत्पन्न हुने गरी बोलेका छन् ।

यिनलाई जनवरी १ मा नेपालीहरुले टोपी दिवस मनाएको पनि मन पर्दैन । अझ ढाका वा भादगाउँले टोपी त यिनलाई अझै मन पर्दैन ।बाबुराम भट्टराई आफैंले संविधान जारी गरेर मधेसमा गएर मधेसीलाई उचाल्ने र भारतलाई नाकाबन्दी गर्न सुझाव दिएका थिए ।सधै सधै एक नेपालीलाई अर्को नेपाली विरुद्ध घृणा उत्पन्न गराउने काममा लागेका भट्टराईको दिमागमा सत प्रतिशत नेगेटिभिटीमात्रै रहेको हाम्रो ठहर छ । यस्ता पात्रले नेपालमा राजनीति गर्ने होइन, आराम र उपचारको आवश्यकता पर्दछ ।

विगतमा १७ हजार मारेर पनि आफू एक पटक मात्रै प्रधानमन्त्री हुन पाएकोले अब केही हजार नेपालीलाई फेरि मर्न-मार्न उक्साएर आफ्नो स्वार्थ पूर्ति गर्ने सोच पनि उनमा आएको हुन सक्छ । किनभने हिंसाको स्वाद परेको पशु होस् वा मानव उसले त्यो बानी छाड्न सक्दैन ।

अतः नेपालीलाई नेपालीसँग भिडाउने नै चाहना हो भने उनकालागि यो पवित्र देवभूमि, तपभूमिमा बस्ने अधिकार छैन । जसरी सूर्यले कसैलाई पक्षपात नगरी समान ताप दिन्छ, वायुले अक्सिजन दिन्छ, त्यसै गरी धर्म र शास्त्रले सबैका लागि समान ज्ञान बाँढ्दछ । हिन्दुहरुकै मतले आज आफू संसदमा छिर्न पाएको समेत ख्याल नगरी जथाभावी बोल्दै हिँड्ने हो भने उनका लागि यो मूलुकमा खुट्टा टेक्ने स्थान नरहन सक्छ । यति कुरा हेक्का रहोस् भन्ने जानकारी दिन्छौं ।


Leave a Reply

Your e-mail address will not be published. Required fields are marked *


Notice: Undefined index: total_count_position in /var/www/html/muglanikhabar/wp-content/plugins/social-pug/inc/functions-frontend.php on line 46