मानेभञ्ज्या विद्यालयलाई तामाङ पत्रकार संघ नुवाकोटद्धारा शैक्षिक सामाग्री बितरण

मुग्लानी खबर मंगलबार, जेठ १५, २०७५

मुग्लानी खबर जेठ १५

ग्रामिण भेगमा रहेका विद्यार्थीहरुको पढाईलाई प्रोत्साहन गर्ने उदेश्यले नुवाकोटको दुप्चेश्वर गाउँपालिका वडा नम्बर ५ मानेभञ्ज्याङमा रहेको कुलज्योती प्राथमिक विद्यालयका विद्यार्थीहरुलाई तामाङ पत्रकार संघ नुवाकोटले शैक्षिक सामाग्री बितरण गरेको छ ।

कक्षा १ देखी ३ सम्म अध्यनरत २४ जना विद्यार्थीहरुलाई शैक्षिक सामाग्री बितरण गरिएको तामाङ पत्रकार संघ नुवाकोट अध्यक्ष शक्तिमायाँ तामाङले बताइन ।

उक्त विद्यालयको २४ जना विद्यार्थीहरुलाई सिसाकलम, कापी, गर्मीयाममा लगाउने टिसर्ट लगायतको सामाग्री बितरण गरिएको उहाले बताउनुभयो ।

यस्तै, विद्यालयका प्रध्यानाध्यापक सुनबहादुर तामाङले जति पनि विद्यार्थीहरु भर्ना हुन आए पनि नियमित नहुँदा संघको सहयोगले विद्यार्थीहरुलाई नियमित विद्यालयमा आउन उत्पेरित गरेको बताउनुभएको छ ।

कार्यक्रममा तामाङ पत्रकार संघ नुवाकोटका उपाध्यक्ष एवम् दुप्चेश्वर गाउँपालिका वडा नम्बर ५ को वडा सदस्य होमबहादुर तामाङ, विद्यालयका शिक्षक, विद्यार्थीहरु, अभिभाबक लगायतको सहभागीता रहेको थियो ।

प्रकाशित मिति: मंगलबार, जेठ १५, २०७५, ०६:२७:३४

प्रतिक्रिया दिनुहोस्