नयाँबर्षको सेलिब्रेसन उद्घाटन काठमाडौं टुँडिखेलमा उपराष्ट्रपतीबाट हुँदै

मनोरञ्जन

गृहपृष्ठ
मनोरञ्जन
नयाँबर्षको सेलिब्रेसन उद्घाटन काठमाडौं टुँडिखेलमा उपराष्ट्रपतीबाट हुँदै

नयाँबर्षको सेलिब्रेसन उद्घाटन काठमाडौं टुँडिखेलमा उपराष्ट्रपतीबाट हुँदै

बुधबार, चैत ३०, २०७८ मुग्लानी खबर संवाददाता

नयाँवर्षको दिन बैशाख १ गते काठमाडौंको टुँडिखेलमा हुन गइरहेको ध्यान,नृत्य र संगीतको महाउत्सब “सेलिब्रेसनको” समुद्घाटन उपराष्ट्रपती नन्द बहादुर पुनबाट हुने भएको छ ।
ओशो तपोवनसँगको सहकार्यमा ओम नेपाल मिडिया प्रालीले आयोजना गर्नलागेको सेलिब्रेसन अपरान्ह ४ बजे देखि शुरु हुने र उक्त उत्सवका लागी दिउँसो २.३० बजे देखिनै टुँडिखेलको गेट खुल्ला गरिने आयोजकले जानकारी दिएका छन ।
पछिल्लो समय कोरोना महामारीले मानिसको मानसिक सन्तुलनलाई समेत गिजोलेको अबस्था छ जसका कारण मानसिक समस्याहरु बढ्दै गइरहेका छन । यस ‘सेलिब्रेसन’ कार्यक्रमले व्यक्तिलाई ध्यान, नृत्य, संगीत तथा शान्ति सहितको महाउत्सवमा सहभागी भएर तनाव व्यवस्थापन गर्ने मार्गतर्फ अग्रसर हुन प्रोत्साहित बनाउने विश्वास आयोजकको छ ।
हाँस्य कलाकार मनोज गजुरेलका अतिरिक्त उत्सवमा भारतको प्रतिष्ठित पद्यश्री पुरस्कारबाट सम्मानित भारतीय सुप्रसिद्ध निर्गुण भक्ति संगीतका महारथी गायक प्रह्लाद सिंह टिपानियाको विशेष प्रस्तुति रहने छ ।
ओशो तपोवनका संरक्षक तथा संस्थापक वोधिसत्व स्वामी आनन्द अरूणको सत्सङ्ग र आर्शिवाद प्राप्त गर्ने शुभ अवसर समेत मिल्नेछ । नेपालको चर्चित संगीत व्याण्ड ‘कुटुम्ब’ को बेजोड लाइभ प्रस्तुति रहनेछ ।
गायिका बेनिशा पौडेल, प्रदिप रोदन, लगायतको प्रस्तुती रहने कार्यक्रमबाट सहभागीले ज्ञान, ध्यान, सत्सङ्ग र साधनाको माध्यमबाट ओशोको आधुनिक मनुष्यलाई बुद्धत्व र भगवत स्थिति प्राप्त गर्ने तथा समग्र मुनष्य बन्ने नयाँ जीवन दर्शन ‘जोरबा दी बुद्ध’को जीवनशैलीको बारेमा अनुभव लिन सक्ने छन । ध्यान के हो भनेर महसुस गर्न पाउने छन ।

प्रकाशित मिति: बुधबार, चैत ३०, २०७८

प्रतिक्रिया दिनुहोस्