कुर्दिस्तान सुलेमनीमा भब्य तीज कार्यक्रम हुँदै सम्पुर्णलाई उपस्थितिको लागि आग्रह

प्रवास समाचार

गृहपृष्ठ
प्रवास समाचार
कुर्दिस्तान सुलेमनीमा भब्य तीज कार्यक्रम हुँदै सम्पुर्णलाई उपस्थितिको लागि आग्रह

कुर्दिस्तान सुलेमनीमा भब्य तीज कार्यक्रम हुँदै सम्पुर्णलाई उपस्थितिको लागि आग्रह

बुधबार, भदौ १९, २०८१ मुग्लानी खबर

सुलेमानी इराक- नेपाली महिला समाज कुर्दिस्थान सुलेमनीद्वारा आयोजना गरिएको नेपाली नारीहरुको महान पर्व हरितालिका तीज कार्यक्रमको तयारी अन्तिम चरणमा पुगेको छ।
'नेपाली महिला समाजको भावना ,हरेक सुख दुःखमा एकता गर्ने चाहाना' भन्ने मुल नाराका साथ सन् २०१७ मा स्थापना भएको नेपाली महिला समाज कुर्दिस्तान सुलेमानीले स्थापना काल देखि नै नेपाली नारीहरूको महान पर्व हरितालिका तीज कार्यक्रम गर्दै आएको छ।
यसै क्रममा यस वर्ष पनि इराक कुर्दिस्तान सुन्दर शहर सुलेमनिको सर्चिनर स्थित मेल्ला हालमा २०२४ सेप्टेम्बर ६ तारिख शुक्रबारका दिन हरितालिका तीज विशेष सांस्कृतिक कार्यक्रम मनाउन लागिएको कार्यक्रम संयोजक जेसिक बोम्जनले जानकारी दिनु भयो।
कुर्दिस्तान सुलेमनिमा कर्मथलो बनाउदै बस्नुभएका समस्त नेपाली नारीहरूलाई प्रवासमा रहेर पनि पीडा महशुस नहोस भन्ने उदेश्य स्वरुप दर खाने,नाच्ने गाउने रमाउने लगायत स्थानीय कलाकारहरुको बेजोड सांस्कृतिक प्रस्तुती समेत रहने भएको छ।
साथै उक्त दिन मायाको चिनो तथा भाग्यशाली उपहार चिठ्ठा कार्यक्रम समेत रहेको हुँदा सुलेमानी तथा कुर्दिस्तानमा रहनुभएका सम्पुर्ण दिदीबहिनीहरुलाई उक्त कार्यक्रममा उपस्थिति जनाई भरपुर मनोरञ्जन लिई कार्यक्रम सफल बनाईदिनुहुन समेत आयोजकले अनुरोध गरेको छ।
त्यसैगरी कार्यक्रम आयोजकले कार्यक्रम स्थल सम्म पुग्नको लागि नेपाली भेटघाट पार्क बाट सवारी साधनको ब्यबस्था समेत गरिएको छ।

प्रकाशित मिति: बुधबार, भदौ १९, २०८१

प्रतिक्रिया दिनुहोस्