खानाको बारेमा समेटिएको पुस्तक ‘टिमुर’ विमोचन

कला/साहित्य

गृहपृष्ठ
कला/साहित्य
खानाको बारेमा समेटिएको पुस्तक ‘टिमुर’ विमोचन

खानाको बारेमा समेटिएको पुस्तक ‘टिमुर’ विमोचन

सोमबार, पुस १५, २०८१ मुग्लानी खबर

वरिष्ठ सेफ्स घनश्याम कँडेलद्वारा तीन सय १३ स्वदेशी तथा विदेशी खानाको बारेमा लेखिएको पुस्तक ‘टिमुर’ विमोचन गरिएको छ ।
सेफ्स कँडेलले तीन दशकमा आफूले स्वदेशी तथा विदेशी खाना बनाउँदा सगालेको अनुभवलाई पुस्तकमार्फत प्रस्तुत गर्नुभएको छ । उक्त पुस्तक आज अध्यागमन विभागका महानिर्देशक गोविन्दप्रसाद रिजालले विमोचन गर्नुभयो । कार्यक्रममा महानिर्देशक रिजालले नेपाली तथा विदेशी खानाको संरक्षण गर्न पुस्तकबाट सहयोग पुग्ने बताउनुभयो । उहाँले खाना जीवनपद्धति र संस्कार भएकाले यसलाई संरक्षण गर्न यस्ता पुस्तकको महत्वपूर्ण भूमिका रहेको उल्लेख गर्नुभयो । महानिर्देशक रिजालले नेपाली खानालाई अन्तर्राष्ट्रियस्तरसम्म फैलाएर पर्यटन प्रवद्र्धनमा लाग्नुपर्ने बताउनुभयो ।
नेपाल पर्यटन बोर्डका पूर्वउपाध्यक्ष चन्द्रप्रसाद रिजालले ‘टिमुर’ नेपाली खाना बनाउने भान्सेका लागि अनुसन्धनात्मक पुस्तक भएको बताउनुभयो ।
पुस्तकका लेखक कँडेलले नयाँ पुस्तालाई नेपाली खाना र कन्टिनेन्टल खाना बनाउन सहयोग पुग्ने हेतुका साथ पुस्तक प्रकाशनमा ल्याएको बताउनुभयो । उहाँले सेफ्स दुर्गा खड्कासँगको सहकार्यमा चाँडै नै नेपाली खानाको परिकारका बारेमा लेखिएको पुस्तक ‘भोजनलिपी’समेत छिट्टै प्रकाशनमा ल्याउन लागेको जानकारी दिनुभयो ।

प्रकाशित मिति: सोमबार, पुस १५, २०८१

प्रतिक्रिया दिनुहोस्