विपक्षीहरु टसमस भएनन्, प्रतिनिधिसभा बैठक भोलिसम्मको लागि स्थगित्

राजनीति

गृहपृष्ठ
राजनीति
विपक्षीहरु टसमस भएनन्, प्रतिनिधिसभा बैठक भोलिसम्मको लागि स्थगित्

विपक्षीहरु टसमस भएनन्, प्रतिनिधिसभा बैठक भोलिसम्मको लागि स्थगित्

बुधबार, जेठ १५, २०८२ मुग्लानी खबर

प्रतिनिधिसभाको बैठक स्थगित् भएको छ । विपक्षीहरुको विरोध जारी रहेपछि बैठक सूचना टाँसेर भोलि (बिहीबार) दिउँसो १ः३० बजेसम्मको लागि स्थगित भएको छ । विपक्षीहरुले भिजिट भिसा प्रकरणमा गृहमन्त्री रमेश लेखकको राजीनामालाई बटमलाईन बनाएका छन् ।

सदनको अवरोध खुलाउनको लागि प्रधानमन्त्री केपी शर्मा ओलीले विपक्षी दलका नेता नेकपा (माओवादी केन्द्र) का अध्यक्ष पुष्पकमल दाहाललाई समेत फोन गरेका थिए । तर, प्रचण्डले गृहमन्त्री लेखकको राजीनामा गराएर सदनलाई जानकारी गराउन सुझाव दिए ।

उता, गृहमन्त्री लेखकले भने सदनमा आफूले बोल्न पाउनुपर्ने माग गरेका छन् । त्यसको लागि उनले सभामुख देवराज घिमिरेसँग समय मागेका छन् । आज सदन पूनः सुचारु हुन नसकेपछि संसद भवनबाटै पत्रकार सम्मेलन गरेर आफने धारणा सार्वजनिक गर्ने तयारी गरेका छन् ।

प्रकाशित मिति: बुधबार, जेठ १५, २०८२

प्रतिक्रिया दिनुहोस्