प्रचण्ड प्रति बाबुरामको प्रहार : भित्र खाओवाद, बाहिर माओवाद !

राजनीति

गृहपृष्ठ
राजनीति
प्रचण्ड प्रति बाबुरामको प्रहार : भित्र खाओवाद, बाहिर माओवाद !

प्रचण्ड प्रति बाबुरामको प्रहार : भित्र खाओवाद, बाहिर माओवाद !

सोमबार, माघ २४, २०७८ मुग्लानी खबर संवाददाता

काठमाडौं । जनता समाजवादी पार्टीका संघीय परिषद् अध्यक्ष डा बाबुराम भट्टराईले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ माथि कटाक्ष गरेका छन् ।

प्रधानमन्त्री शेरबहादुर देउवा र प्रचण्डले एमसिसीलाई लेखेको पत्र बाहिरिएपछि भट्टराईले ‘भित्र खाओवाद, बाहिर माओवाद’ भनेका छन् I

बाबुरामले गएराति ट्वीट गर्दै राष्ट्रघात बाहिर बाहिर राष्ट्रवादको चरित्र देखाइरहेको आरोप समेत लगाए । प्रचण्डको नाम उल्लेख नगरी उनले दुईजिब्रे भनेका छन् ।

नेपाली राजनीति पाखण्डी, दुई जिब्रे प्रवृत्तिबाट मुक्त नहुन्जेलसम्म देश नबन्ने भट्टराईले सामाजिक सञ्जालमा उल्लेख गरेका छन् ।

भित्रभित्र राष्ट्रघात बाहिरबाहिर राष्ट्रवाद ! माछा देखे भित्र हात,सर्प देखे बाहिर हात ! भित्र खाओवाद बाहिर माओवाद १ नेपाली राजनीति जबसम्म यो पाखण्डी दुइजिभ्रे प्रवृत्तिबाट मुक्त हुॅदैन तबसम्म देश बन्दैबन्दैन। एमसीसीजुन ढंगले गिजोलिदैछ त्यसको परिणाम गम्भीर हुनसक्छ! अति भए खति हुन्छ है!’ भट्टराईले लेखेका छ्न् ।

प्रकाशित मिति: सोमबार, माघ २४, २०७८

प्रतिक्रिया दिनुहोस्