दीपकराज भुसालद्वारा ईक्यानको महासचिवमा उम्मेदवारी

समाचार

गृहपृष्ठ
समाचार
दीपकराज भुसालद्वारा ईक्यानको महासचिवमा उम्मेदवारी

दीपकराज भुसालद्वारा ईक्यानको महासचिवमा उम्मेदवारी

आइतबार, असार २४, २०८० मुग्लानी खबर संवाददाता

काठमाडौं । नेपाल शैक्षिक परामर्श संघ ईक्यानको महासचिव पदको लागि दीपकराज भुसाल द्वारा आसन्न उम्मेदवारी दिने घोषणा गरेका छन् । महासचिव पदमा आफ्नो स्वभाविक दाबी रहेको भन्दै उनले आज उम्मेदवारी घोषणा गरेका हुन् ।

असार ३० गते हुने चुनावमा शेषराज भट्टराई र विष्णुहरि पाण्डे अध्यक्षमा प्रतिस्पर्धा गर्ने तयारीमा छन् भने भुसालले महासचिवमा उम्मेदवारी दिने घोषणा गरेका हुन् ।

सदस्य, सचिव र महासचिवको जिम्मेवारी बहन गर्दै कार्यसम्पादन गरेको अनुभवलाई शैक्षिक परामर्श ब्यवसायीका हक हितका निम्ति उपयोग गर्ने' पनि उनले प्रतिवद्दता जनाएका छन् ।‘निरन्तर सक्रिय, सदैव पारदर्शी, खारिएको अनुभव र सुदृढ ईक्यान’ उनको नारा छ ।

'प्राप्त उपलब्धि संरक्षण गरी व्यवसाय माथिकोआक्रमणलाई निस्तेज पार्न संस्थालाई अझ बढी प्रभावकारी र सुदृढ गर्नु पर्ने' भएकोले आफूले महासचिवको तयारी गरेको उनले बताए । 'कोभिड कालमा गर्न नपाएका केही कामलाई संस्थागत गर्न पनि आफूले चाहेको भुसालले बताए ।

‘करिब ३५ बर्ष देखि नेपालमा शैक्षिक परामर्श क्षेत्रको बिकास क्रम रहेता पनि हालसम्म पनि हाम्रो ब्यवसाय नीतिगतरुपमा संक्रमनकालिन अवस्था र अत्यन्त विषम परिस्थिति बाट गुज्रिरहेको छ।

निर्देशिका आंशिक रुपमा सच्चिएको अवस्था छ तर शिक्षा मन्त्रालयले ल्याउदै गरेको नियमावलीमा हाम्रो क्षेत्रलाई गंभीर असर पार्ने नीति बिरुद्द संघर्ष गर्दै यस क्षेत्रलाइ अझ सुरक्षित तथा मर्यादित बनाउनु पर्ने चुनौती पनि विद्यमान छ। ’ भुसालले भने ।

प्रकाशित मिति: आइतबार, असार २४, २०८०

प्रतिक्रिया दिनुहोस्