पाँचथर सेवा समाज कतारले २२औं स्थापना दिवस फरवरी १३ मा मनाउने

प्रवास समाचार

गृहपृष्ठ
प्रवास समाचार
पाँचथर सेवा समाज कतारले २२औं स्थापना दिवस फरवरी १३ मा मनाउने

पाँचथर सेवा समाज कतारले २२औं स्थापना दिवस फरवरी १३ मा मनाउने

मंगलबार, माघ २८, २०८२ मुग्लानी खबर

तिलविक्रम थेवे
दोहा कतार – फरवरी १३, २०२६शुक्रबारका दिन पाँचथर सेवा समाज कतारले विविध सांस्कृतिक तथा शुभकामना आदानप्रदान कार्यक्रम सहित संस्थाको २२औं स्थापना दिवस भव्यरुपमा मनाउने सम्पुर्ण तयारी भईसकेको जानकारी प्राप्त भएको छ ।
आगामी शुक्रबार भव्य रुपमा विविध सांस्कृतिक कार्यक्रमसहित संस्थाको २२औं स्थापना दिवस मनाउने र सोको लागी कतारमा रहेका संघसंस्था, विभिन्न तहतप्काका प्रतिनिधी, व्यक्तिहरुलाई निमन्त्रणा पठाईसकिएको जानकारी दिदै संस्थाका अध्यक्ष लीला राईले सन् २००४ मा स्थापना भएको पाँचथर सेवा समाज कतारले हरेक वर्ष विविध सांस्कृतिक कार्यक्रम सहित संस्थाको स्थापना दिवस मनाउदै आएको र सेही अवसरमा विभिन्न संघसस्था, विभिन्न क्षेत्रका, तहतप्काका व्यक्ति, प्रतिनिधिहरुसंग शुभकामना आदानप्रदान समेत निरन्तर रुपमा गर्दै आएको बताए ।

कतारमा स्थापित जेठो संस्थाहरु मध्येको एक पाँचथर सेवा समाज कतारले आमन्त्रित अतिथीहरु, संस्थाका कार्यसमितिका पदाधिकारी, सदस्यहरु र सल्लाहकारहरु, कतारमा रहेका पाँचथरबासीहरु, गैर पाँचथरबासीहरु तथा अन्य शुभेच्छुक, शुभचिन्तकहरुको व्यापक उपस्थितिमा प्लाजामलस्थित वेलफेयर रेष्टुरेन्टको सभाहलमा फरवरी १३ शुक्रबार विहान ११ वजेदेखि कार्यक्रम शुरु हुुने महासचिव सुजन गुरुङले बताए ।

पाँचथर सेवा समाज कतारले कतारस्थित पाँचथरबासीहरुको कल्याणका लागी मात्र काम नगरी आफनो गृह जिल्लामा समेत विभिन्न समयमा सामाजिक कार्यहरु गर्दै आएको छ । यस संस्थाले पाँचथरमा एम्बुलेन्स सेवा संचालन गरेको छ यसैगरी ईलाम पाँचथर सिमाना राँके बजारमा ऐतिहासिक स्वागतद्धार निर्माण गरयो भने विद्यालयमा अक्षयकोष समेत स्थापना गरी शिक्षा क्षेत्रमा समेत प्रोत्साहन पुरयाएको थियो ।

प्रकाशित मिति: मंगलबार, माघ २८, २०८२

प्रतिक्रिया दिनुहोस्