दोहा, कतार
श्रम संस्कृति महा-अभियान कतारको आयोजनामा "संस्थागत आधारभूत आन्तरिक प्रशिक्षण कार्यक्रम २०२६" भव्य रूपमा सम्पन्न भएको छ। ३१ जुलाई २०२६ शुक्रबारका दिन सनैया प्लाजा मलस्थित सेन्चुरी रेस्टुरेन्टको सभाहलमा संस्थाका अध्यक्ष शुक्र कुमार राई (सुबास)को सभापतित्व तथा संस्थाका प्रमुख सल्लाहकार गजेन्द्र राईको प्रमुख आतिथ्यमा उक्त कार्यक्रम सम्पन्न भएको हो।
"प्रकृति, संस्कृति र प्रविधिको सन्तुलन, परिष्कृत समाजका लागि श्रम अभियान" भन्ने मूल नाराका साथ आयोजित उक्त कार्यक्रमको उद्घाटन प्रमुख अतिथि गजेन्द्र राई र सभापति शुक्र कुमार राईले दीप प्रज्वलन तथा ब्यानर अनावरण गरी गर्नुभएको थियो।
कार्यक्रममा संस्थाका वरिष्ठ उपाध्यक्ष भाइकाजी गुरुङले स्वागत मन्तव्यमार्फत उपस्थित सबैलाई स्वागत गर्नुभएको थियो। औपचारिक सुरुआतमा राष्ट्रिय गान प्रस्तुत गरिनुका साथै श्रमपिता हर्क साम्पाङ राईद्वारा रचित "हाम्रो धर्ती, हाम्रो आकाश, हाम्रै परिवेश" भन्ने देशभक्ति गीत गाइएको थियो। लगत्तै ज्ञात-अज्ञात शहीदहरूको सम्झनामा एक मिनेट मौनधारण गरियो। त्यसपश्चात् संस्थाका द्वितीय उपाध्यक्ष नवीन थापाले संस्थागत जानकारीका साथै प्रशिक्षण कार्यक्रमको उद्देश्यमाथि प्रकाश पार्नुभएको थियो।
प्रशिक्षणका प्रमुख विषय तथा सहजकर्ताहरू
स्थापनाकालदेखि नै विभिन्न सामाजिक तथा रचनात्मक गतिविधि गर्दै आएको महा-अभियानले संस्थागत प्रक्रिया, पद्धति र आधारभूत ज्ञान प्रवाह गर्ने उद्देश्यले यो प्रशिक्षण आयोजना गरेको हो। कार्यक्रममा निम्न विषयहरूमा सहजकर्ताहरूले प्रशिक्षण दिनुभएको थियो:
संस्था, उद्देश्य र यसको महत्त्व: सल्लाहकार श्री रबिन शेर्पासंस्थाको संरचना, कार्यप्रणाली तथा काम, कर्तव्य र अधिकार: सल्लाहकार डि.एन. मगर,अनलाइन सदस्यता विस्तार र प्रयोग: प्रवक्ता पदम गुरुङ,अनलाइन प्रविधि र डिजिटल एपको प्रयोग: केन्द्रीय सूचना तथा प्रविधि प्रमुख श्री करुण राई (नेपालबाट जुम भर्चुअल माध्यममार्फत)पार्टीको राजनीतिक सिद्धान्त, हर्कवाद तथा राष्ट्रिय एजेन्डा: महासचिव श्री एकराज राईको रहेको थियो ।
अन्तरक्रिया, सांस्कृतिक प्रस्तुति र मन्तव्य
प्रशिक्षण खण्डको समापनपछि सहभागी श्रमदाताहरूबिच प्रश्न-उत्तर (अन्तरक्रिया) कार्यक्रम सञ्चालन गरिएको थियो, जहाँ सही उत्तर दिने सहभागीहरूलाई आकर्षक सान्त्वना पुरस्कार प्रदान गरियो।
कार्यक्रममा विभिन्न विभागीय प्रमुख, क्षेत्रीय संयोजक तथा श्रमदाताहरूले प्रशिक्षणबाट प्राप्त ज्ञान र यसको व्यावहारिक महत्त्वबारे आफ्ना धारणा राख्नुभएको थियो। साथै, चर्चित गायक दिपेस पायल राईले "पारा मिलेन जेठा, पारा मिलेन" भन्ने सांगीतिक प्रस्तुतिमार्फत हललाई संगीतमय बनाउनुभएको थियो।
कार्यक्रमको अन्तिम चरणमा आमन्त्रित शुभचिन्तक तथा सल्लाहकारहरूले प्रशिक्षणबारे आफ्ना टिप्पणी राख्नुभएको थियो। प्रमुख अतिथि गजेन्द्र राईले यो प्रशिक्षण अत्यन्तै उपयोगी र ज्ञानवर्धक रहेको बताउँदै आगामी दिनहरूमा पनि यस्ता प्रभावकारी कार्यक्रमहरूलाई निरन्तरता दिनुपर्नेमा जोड दिनुभयो।
अन्त्यमा, कार्यक्रमका सभापति एवं संस्थाका अध्यक्ष शुक्र कुमार राईले उपस्थित प्रमुख अतिथि, सल्लाहकार, श्रमदाता तथा शुभचिन्तकहरूलाई धन्यवाद ज्ञापन गर्दै कार्यक्रम समापनको घोषणा गर्नुभएको थियो।
उक्त कार्यक्रममा संस्थाका विशेष सल्लाहकार पदम बहादुर राई, सल्लाहकारहरू, आमन्त्रित समाजसेवी, कार्यसमिति, क्षेत्रीय तथा विभागीय समितिका प्रतिनिधि लगायत ११० भन्दा बढी श्रमदाताहरूको बाक्लो उपस्थिति रहेको थियो। कार्यक्रमको सञ्चालन संस्थाका महासचिव एकराज राई र उप-महासचिव दुर्गा बहादुर गुरुङले गर्नुभएको थियो।
-1785334078.jpeg)
-1785334078.jpeg)
